Jo Aansoo Dil Main Girtay Hain Wo Aankhon Mai Nahi Rehtay
Bohot Say Harf Aisay Hen Jo Lafzon Main Nahi Rehtay
Kitabon Mai Likhay Jatay Hain Dunya Bhar Kay Afsanay
Magar Jin Mai Haqeeqat Ho Kitabon Mai Nahi Rehtay
Bahar Aaye To Har Ik Phool Par Ik Saath Aati Hai
Hawa Jin Ka Muqaddar Ho Wo Shakhon Main Nahi Rehtay
Mehak Or Titliyon Ka Naam Banwaray Say Juda Kyun Hai
Kay Ye Bhi To Khizan Aanay Pay Phoolon Main Nahi Rehtay